_ بـــشايـــر صـــــوت _ نزار ابو ناصر

ما تغيرتي..

و لكن صرتي أحلى في عيوني..

صرتي أجمل انتظارْ

توِ النهارْ

لا تغيبي

شمسك ترى : كلمة حبيبي

و احتياج الروح : بسمةْ و انصهار

و ما أبي هالغيمة الطويلة

إمطري دايم علينا

ما تخيلتك وداعي.. 

بل تخيلتك مدينة

؛؛

ما لها مينا 

أو مراكبْ

أو مطارْ..

يا رجوعي ..

للهوى المحبوس فينا 

وردة تذبل وردة تطرح ياسمينا..

يا سلامي 

يا جوى الهمسة الحزينة

أدركيني صوت 

من جنة و نار

و اتركي الباقي يلبي

دفقة الشوق اللي بينا..

و اعرفي اني ..- و ربي-

ما بقالي حظ ف رموش العذارى 

و لا بقالي مد في رشفة سيجارة

بس اسمك رنْ في قلبي أمارة

خلى ذكرى 

دايم أحلى

لو تعودي مثل ما كنتي .. جناين

عطر فايحْ .. بالروايحْ ..

يا حناينْ

يا نسايم حبْ 

يا دمي اللي فاير

خدريني ..

بلا رسايل أو وسايل

بس صوتك

يا هو صوتك

وش كثر يعمل عمايلْ

يستحل و يستقل و يستمرْ

و يستقر عند نبضي و يبقى حاير

يعترف ما يعترف

بس تكفيه البشايرْ

.